கார்லயே டிரெஸ் மாத்த சொல்வாங்க! நடிகை காயத்ரி சங்கரின் வெளிப்படை!

டி.முகமது இர்பான்,

   தமிழ்திரையுலகின் இளம் நடிகையாக இருப்பவர் காயத்ரி சங்கர்.¢ நடுவுல கொஞ்சம் பக்கத்த காணோம், ரம்மி, புரியாத புதிர், சீதக்காதி, சூப்பர் டீலக்ஸ், மாமனிதன் உள்ளிட்ட படங்களில் விஜய் சேதுபதியுடன் இணைந்து நடித்துள்ளார். மேலும் பல படங்களில் ஹோம்லி லுக்கில் நடித்து ரசிகர்கள் மத்தியில் வரவேற்பை பெற்றவர் காயத்ரி.

   திரைப்படங்களில் ஹோம்லி லுக்கில் நடித்தாலும், நிஜத்தில் மாடர்னான பெண்ணாக வலம் வந்து கொண்டிருக்கும் அவர், படப்பிடிப்பு தளத்தில் தனக்கு நேர்ந்த தர்ம சங்கடமான சூழல்கள் குறித்து நேர்காணல் ஒன்றில் பேசியுள்ளார்.

 அண்மையில் காயத்ரி அளித்துள்ள பேட்டி ஒன்றில் படப்பிடிப்பு தளத்தில் தான் எதிர்கொண்ட பிரச்சனைகள் குறித்து வெளிப்படையாக பேசியுள்ளார்.

   அண்மையில் லோகேஷ் கனகராஜ் இயக்கத்தில் வெளியான 'விக்ரம்' படத்தில் நடித்திருந்தார். இந்தப்படத்தில் பகத் பாசில் ஜோடியாக நடித்திருந்தார். இந்தப்படத்தில் வில்லன்கள் காயத்ரி தலையை வெட்டுவதை போன்ற காட்சி இடம்பெற்றிருக்கும். இந்த சீனை வைத்து செம பாப்புலரானவர்.

  அப்படியிருக்க காயத்ரி நேர்காணல் ஒன்றில் பேசும்  நீங்க எதையாவது மாத்தணும் நினைச்சா எதை மாத்துவீங்க என கேட்கப்பட்ட போது, ஷுட்டிங் ஸ்பாட்டில் நான் மட்டும் பெண்ணாக இருக்கும் போது சில நேரங்களில் பாத்ரூம் கூட இருக்காது. இதை தயாரிப்பு தரப்பும் யோசிக்காது. இது நம்ம ஆரோக்கியத்தை பாதிக்க கூட விஷயம். இதை தான் மாத்தணும் நினைக்கிறேன்.

   சில படங்களில் நடிக்கும் போது லொகேஷன் விட்டு வேறொரு இடத்துக்கு செல்லும் போது நடுவிலே வண்டியை நிப்பாட்டி மாண்டேஜ் ஷுட்டிங் எடுக்கலாம் என்று சொல்வாங்க. அதுக்காக கார்லயே டிரெஸ் மாத்த சொல்வாங்க. அட்லீஸ்ட் நடிகைகள் டிரெஸ் மாத்த ஒரு ரூம் அரேஜ் பண்ணி கொடுக்கலாமே. நம்மோட பாதுகாப்பு ரொம்ப முக்கியம். இவ்வாறு அந்த பேட்டியில் வெளிப்படையாக பேசியுள்ளார்.