எடியூரப்பாவை தெறிக்கவிட்ட சிடி ரவி!

  வி.வெங்கட்,
    கர்நாடகா பா.ஜ.கவில் கோஷ்டி மோதல் தொடர்கிறது. அந்த வகையில் முன்னாள் முதலமைச்சர் எடியூரப்பாவை, பா.ஜ.கவைச் சேர்ந்த தேசிய பொதுச்செயலாளர் ஓட விட்டிருக்கிறார்.
 கர்நாடகாவில் பாஜகவின் வளர்ச்சிக்கு முக்கிய காரணமே முன்னாள் முதல்வர் எடியூரப்பா, தன் மகனை தனது பாரம்பரிய சிக்காரிபுரா தொகுதியில் போட்டியிட வைக்க முடிவு செய்தார். ஆனால் கட்சி தலைமை ஒப்புதல் வழங்காத நிலையில் எடியூரப்பா மற்றும் அவரது மகன் ஆகியோர் கடும் அதிருப்தியில் உள்ளனர்.

 
   எடியூரப்பா வீட்டு சமையலறையில் எடுக்கப்படும் முடிவுகளை ஏற்க முடியாது என தேசிய பொதுச்செயலாளர் சி.டி. ரவி தெரிவித்துள்ளார். 
  இதனால் இரு தரப்பினரிடையே உரசல் ஏற்பட்டுள்ளது.
இந்நிலையில், சிக்கமகளூரு மாவட்டத்தில் தேர்தல் பிரசாரத்திற்காக எடியூரப்பா இன்று சென்றார். விஜய் சங்கல்ப யாத்திரைக்கு தலைமை தாங்க சென்ற அவரது காரை சி.டி.ரவியின் ஆதரவாளர்கள் சூழ்ந்துகொண்டு கெரோ செய்தனர். 
  இதனால் மூட் அவுட்டான எடியூரப்பா தனது பிரசார பயணத்தை ரத்து செய்து, திரும்பிச் சென்றார்.   இந்த சம்பவத்தின்போது எடுக்கப்பட்ட வீடியோ வெளியாகி உள்ளது. அதில், விஜய் சங்கல்ப் யாத்திரையில் கலந்து கொள்ளாமல் எடியூரப்பா அந்த இடத்தை விட்டு வெளியேறியதையும், அந்த இடத்தில் இருந்த சி.டி.ரவி தனது ஆதரவாளர்களுடன் வேறு திசையில் நடந்து செல்வதும் அந்த வீடியோவொல் உள்ளது.