கண்டிப்பாக தெரிந்துகொள்ளுங்கள்! நாடு முழுவதும் இது தான் தேர்தல் நடைமுறை! 

ம.பா.கெஜராஜ், 

  இந்தியாவில்  இனி வரும் அனைத்து தேர்தல்களிலும் நாடு முழுவதும் புதிய நடைமுறைகளை அமல்படுத்த தேர்தல் கமிஷன் அதிரடியாக நடவடிக்கை எடுத்துள்ளது.

• தேர்தல்களின்போது சட்டம்-ஒழுங்கு தயார்நிலையை வலுப்படுத்த போலீசாருக்கு சிறப்பு அமர்வுகள் நடத்தப்படும்.
• வாக்குச்சாவடியில் வாக்காளர் வரம்பை 1,200 ஆக்குதல். இது குறைந்த கூட்ட நெரிசல், குறுகிய வரிசைகள் மற்றும் உயரமான குடியிருப்பு வளாகங்கள் மற்றும் மற்றும் சங்கங்களில் கூடுதல் வாக்குச்சாவடிகள் ஆகியவற்றை உறுதி செய்கிறது.
• அரசியல் கட்சிகளால் நியமிக்கப்பட்ட வாக்குச்சாவடி முகவர்களுக்கு பயிற்சி அளிப்பது.

வாக்குச்சாவடி நிலை அலுவலர்களுக்கும் பயிற்சி அளிக்க வேண்டும். பீகார் உள்பட இந்தியா முழுவதிலும் இருந்து 7 ஆயிரத்துக்கும் மேற்பட்ட வாக்குச்சாவடி அலுவலர்கள் மற்றும் வாக்குச்சாவடி மேற்பார்வையாளர்கள் டெல்லியில் பயிற்சி அளிக்கப்பட்டுள்ளது.

• பிகாரில் சிறப்பு தீவிர திருத்தம் மேற்கொள்ளப்பட்டது. தகுதியுள்ள எந்தவொரு வாக்காளரும் விடுபடாமல் இருப்பதையும், தகுதியற்ற நபர் யாரும் சேர்க்கப்படாமல் இருப்பதையும் உறுதி செய்வதற்காக வாக்காளர் பட்டியல் தயார் செய்யப்பட்டது. இதேபோல் அனைத்து மாநிலங்களிலும் வாக்காளர் பட்டியல் தயார் செய்யப்படும்.

வாக்குச்சாவடி அலுவலர்களுக்கான ஊதியம் இரட்டிப்பாக உயர்த்தப்படுகிறது. மேற்பார்வையாளர்கள் மற்றும் வாக்கு எண்ணும் பணியாளர்கள், ஆயுதப்படை போலீசார், கண்காணிப்பு குழுக்கள் மற்றும் நுண் பார்வையாளர்களுக்கான ஊதியமும் உயர்த்தப்படுகிறது. தேர்தல் நடத்தும் அதிகாரிகள் மற்றும் உதவி அதிகாரிகளுக்கு முதல் முறையாக கவுரவ ஊதியம் வழங்கப்படும்.

வாக்காளர் பட்டியலில் புதுப்பிக்கப்பட்ட 15 நாட்களுக்குள் புகைப்பட அடையாள அட்டை வினியோகத்தை உறுதி செய்வதற்கான புதிய நடைமுறை அமல்படுத்தப்பட்டது. வினியோகத்தின் ஒவ்வொரு கட்டத்திலும் குறுஞ்செய்தி அறிவிப்புடன் இது செய்யப்படுகிறது.

• வாக்குச்சாவடி அதிகாரிகளுக்கான புகைப்பட அடையாள அட்டைகள், கள அளவிலான வெளிப்படைத்தன்மை மற்றும் பொது நம்பிக்கையை மேம்படுத்த வழங்கப்படுகிறது.
• வாக்காளர்கள் தங்களது செல்போன்களை வாக்குச்சாவடிகளுக்கு வெளியே பாதுகாப்பாக வைக்க கவுண்ட்டர்கள் அறிமுகப்படுத்தப்படும்.
• வாக்காளர்களை எளிதாக சரிபார்ப்பதற்காக வரிசை மற்றும் பகுதி எண்களை சரியாக காட்டும் வாக்காளர் தகவல் சீட்டு.
• டிஜிட்டல் குறியீட்டு அட்டைகள் மற்றும் அறிக்கைகள் அனைத்து பங்குதாரர்களுக்கும் தொகுதி மட்டத்தில் தேர்தல் தொடர்பான தரவுகளின் அணுகலை ஊக்குவிக்க தொழில்நுட்பம் சார்ந்த அமைப்பாக இது இருக்கும்.
• 'இ.சி.ஐ .நெட்' செயலியில் பல முக்கியமான சேவைகள், கிட்டத்தட்ட நிகழ்நேர வாக்காளர் வாக்குப்பதிவு புதுப்பிப்புகள் செய்யப்படும்.
• வாக்குச்சாவடியில் இருந்து 100 மீட்டருக்கு அப்பால் வேட்பாளர் சாவடிகளுக்கு அனுமதி.
• வாக்குச்சாவடிகளில் 100 சதவீத இணையதள ஒளிபரப்பு . இது முக்கியமான நடவடிக்கைகள் சீராக நடைபெறுவதை உறுதி செய்கிறது.
• மின்னணு வாக்குப்பதிவு எந்திர வாக்குச்சீட்டுகளை மேலும் படிக்கக்கூடியதாக மாற்றுவதற்கான வழிகாட்டுதல்களை தேர்தல் கமிஷன் திருத்தியுள்ளது.

மின்னணு வாக்குப்பதிவு எந்திரங்களில் முதல் முறையாக வேட்பாளர்களின் வண்ணப் புகைப்படங்கள் இடம் பெறுகிறது.

• பொருந்தாதவற்றுக்கு கட்டாய 'வி.வி. பேட்' எண்ணிக்கை. படிவம் 17 சி மற்றும் மின்னணு எந்திர தரவுகளுக்கு இடையில் பொருந்தாத ஒவ்வொரு சந்தர்ப்பத்திலும், மாதிரி வாக்குப்பதிவுத் தரவு தவறாக அழிக்கப்படாத இடங்களிலும் இது கைகொடுக்கும்.
• இறுதிச்சுற்றுக்கு முந்தைய சுற்று வாக்குகள் எண்ணும் போது, தபால் ஓட்டுகள் எண்ணப்படும்.

  பிகார் சட்டமன்றத்தேர்தல் நவம்பர் 6 மற்றும் 11-ந்தேதிகளில் 2 கட்டமாக நடைபெற உள்ளது. இரண்டு கட்ட தேர்தல்களிலும் நவம்பர் 14-ந் தேதி எண்ணப்பட்டு அன்றைய தினமே முடிவுகள் அறிவிக்கப்படுகின்றன. மேற்கண்ட விதிமுறைகள் இந்த தேர்தலிலிருந்தே கடைபிடிக்கப்படும்.