பெட்ரோல் விலை ரூ.5, டீசல் விலை ரூ.10 குறைக்கப்படும் என மத்திய அரசு அறிவிப்பு!
admin
ம.பா.கெஜராஜ்,
பெட்ரோல், டீசல் மீதான வாட் வரியை மாநில அரசுகள் குறைக்க வேண்டும் என்றும் மத்திய அரசு வலியுறுத்தியுள்ளது.
மத்திய அரசு நவம்பர் 3 புதன்கிழமை, தீபாவளிக்கு முன்னதாக பெட்ரோல் மற்றும் டீசல் இரண்டின் மீதான கலால் வரி விகிதங்களைக் குறைப்பதன் மூலம் நாட்டு குடிமக்களுக்கு நிவாரணம் வழங்க முடிவு செய்தது.
இது சில்லறை விலைகளைக் குறைக்கும் அந்த வகையில், நவம்பர் 4 முதல் பெட்ரோலுக்கு 5 ரூபாயும், டீசலுக்கு 10 ரூபாயும் கலால் வரி குறைக்கப்படும்.
கச்சா எண்ணெய் விலை கடுமையாக உயர்ந்துள்ளதால், உள்நாட்டில் இரு எரிபொருட்களின் விலையும் வரலாறு காணாத உச்சத்தைத் தொட்டுள்ளது.
பெட்ரோல் ஏற்கனவே பல நகரங்களில் லிட்டருக்கு 100 ரூபாய் மற்றும் அதற்கு மேல் உயர்ந்துள்ளது, அதே நேரத்தில் டீசல் விலையும் பின்தங்கவில்லை.
மிதனால், போக்குவரத்து எரிபொருட்களின் உயர்வு, பணவீக்க அழுத்தம் அதிகரிப்பது பற்றிய கவலையை எழுப்பியது, இது ரிசர்வ் வங்கியையும் கவலையடையச் செய்துள்ளது.
தீபாவளிக்கு முந்தைய நாளான புதன்கிழமை இரவு நிதியமைச்சகம் வெளியிட்ட அறிக்கையில் கூறியிருப்பதாவது: டீசல் மீதான கலால் வரி குறைப்பு பெட்ரோலை விட இருமடங்காக இருக்கும்.
இந்திய விவசாயிகள் தங்களது கடின உழைப்பால் பொருளாதார வளர்ச்சியை சீராக வைத்துள்ளனர்.
ஆகவே அதன் இறுதி கட்டத்தின் போது டீசல் மீதான கலால் பாரிய குறைப்பு என்பது வரவிருக்கும் ரபி பருவத்தில் விவசாயிகளுக்கு ஊக்கமளிக்கும்."
"சமீபத்திய மாதங்களில், கச்சா எண்ணெய் விலை உலகளாவிய உயர்வைக் எட்டியுள்ளது.
இதன் விளைவாக, சமீப வாரங்களில், பெட்ரோல் மற்றும் டீசல் விலைகள் பணவீக்க அழுத்தத்தை ஏற்படுத்தியதால், உள்நாட்டில் பெட்ரோல் மற்றும் டீசல் விலைகள் அதிகரித்துள்ளன.
உலகம் முழுவதும் பற்றாக்குறை மற்றும் அனைத்து வகையான எரிசக்திகளின் விலையும் அதிகரித்துள்ளது" என்று அமைச்சகம் தெரிவித்துள்ளது. .
அந்த அறிக்கையின்படி, நாட்டில் எரிசக்தி தட்டுப்பாடு ஏற்படாமல் இருக்கவும், பெட்ரோல், டீசல் போன்ற பொருட்கள் தேவைகளை பூர்த்தி செய்ய போதுமான அளவில் கிடைப்பதை உறுதி செய்யவும் மத்திய அரசு முயற்சிகளை மேற்கொண்டுள்ளது.
"இந்திய பொருளாதாரத்தின் அனைத்துத் துறைகளும் - அது உற்பத்தி, சேவைகள் அல்லது விவசாயம் - குறிப்பிடத்தக்க மேல்நோக்கிய பொருளாதார நடவடிக்கைகளை அனுபவித்து வருகின்றன.
பொருளாதாரத்தை மேலும் மேம்படுத்தும் வகையில், டீசல் மற்றும் பெட்ரோல் மீதான கலால் வரியை கணிசமாக குறைக்க இந்திய அரசு முடிவு செய்துள்ளது" என்று அது கூறியது.
மேலும், பெட்ரோல், டீசல் மீதான வாட் வரியை மாநில அரசுகள் குறைக்க வேண்டும் என மத்திய அரசு வலியுறுத்தியுள்ளது.
அதன் பேரில் இந்த விலைகுறைப்பு அறிவிக்கப்பட்டுள்ளது.
