அடுத்த பிரதமர் யார்? மோடி 52% ராகுல் 16%! கருத்து கணிப்பாம்!
admin
ம.பா.கெஜராஜ்,
2024 -ல் இந்திய நாடாளுமன்ற தேர்தல் வர உள்ள நிலையில் அடுத்த ஐந்து ஆண்டுகள் இந்தியாவின் தலையெழுத்தை எழுத உள்ள கூட்டணி எது? யாருக்கு அந்த வாய்ப்பை மக்கள் வழங்க உள்ளார்கள் என்று பல்வேறு நிறுவனங்கள் கருத்துக் கணிப்புக நடத்தி அதன் அடிப்படையில் சிலபல தகவல்களை வெளியிட்டு வருகின்றன.
அவற்றில் இந்தியா டுடே - சி வோட்டர் மூட் ஆஃப் தி நேஷன் கருத்துக் கணிப்பு முடிவுகள் வெளியாகின்றன. இரண்டு முறை தொடர்ச்சியாக ஆட்சி செய்து வரும் பாஜக மீண்டும் ஆட்சியைப் பிடிக்குமா, மோடிக்கு மக்கள் மத்தியில் தற்போது உள்ள செல்வாக்கு எப்படி உள்ளது, மோடிக்கு எதிராக பலமான வேட்பாளர் யார், இந்தியா கூட்டணி மக்கள் கவனத்தை எந்த அளவு பெறும் என்பது உள்ளிட்ட பல்வேறு கேள்விகளுக்கு மக்களின் பதில்களைப் பெற்றுள்ளனர்.
அந்த கருத்துக் கணிப்பின் படி 52 சதவீதம் பேர் மோடி மூன்றாவது முறையாக பிரதமராவார் என்று தெரிவித்துள்ளனர். ஆகஸ்ட் மாத நிலவரப்படி 63 சதவீதம் பேர் மோடியின் ஆட்சி திருப்திகரமாக இருந்ததாக கூறியுள்ளனர். ஆனால் இதே 'மூட் ஆஃப் தி நேஷன்' நிறுவனம் சில மாதங்களுக்கு முன்னர் எடுத்த கருத்துக் கணிப்பில் 72 சதவீதம் பேர் மோடி ஆட்சி திருப்திகரமாக இருப்பதாக கூறியிருந்தனர்.
அப்படியிருக்க தற்போது 13 சதவீதம் பின்னடவைவு ஏற்பட்டுள்ளது குறிப்பிடத்தக்கது. தேர்தலுக்கு இன்னும் ஏழு மாதங்கள் உள்ள நிலையில் மாற்றம் வரலாம்.
பாஜகவுக்கு வாக்கு அளிப்பேன் என்று கூறுபவர்கள் எதன் அடிப்படையில் அந்த முடிவை எடுக்கிறார்கள் என்பதும் தெரிவிக்கப்பட்டுள்ளது.
அந்த வகையில் பிரதமர் மோடிக்காக மட்டும் பாஜகவை தேர்ந்தெடுப்பவர்கள் 44 சதவீதம் பேர். வளர்ச்சி திட்டங்களுக்காக 22 சதவீதம் பேர். இந்துத்துவ கொள்கைக்காக 14 சதவீதம் பேர் பாஜகவுக்கு வாக்கு அளிக்கின்றனர்.
அடுத்த பிரதமர் யார் என்ற கேள்விக்கு நரேந்திர மோடியை 52 சதவீதம் பேர் தேர்வு செய்துள்ளனர். ராகுல் காந்திக்கு 16 சதவீதம் பேரின் ஆதரவு உள்ளது. மீதமுள்ள வாக்குகள் பல தலைவர்களுக்கு சிறிது சிறிதாக கிடைத்துள்ளது.
எதிர்கட்சித் தலைவராக ராகுல் காந்தியின் செயல்பாடு மிக நன்றாக இருக்கிறது என்று 34 சதவீதம் பேர் கூறியுள்ளனர். 18 சதவீதம் பேர் நன்றாக இருக்கிறது என்று கூறியுள்ளனர். 15 சதவீதம் பேர் சராசாரி என்றும், 27 சதவீதம் பேர் மோசம் என்றும் கூறியுள்ளனர்.
இந்தியா கூட்டணியால் பாஜகவை வீழ்த்த முடியுமா என்று கேட்கப்பட்ட கேள்விக்கு 54 சதவீதம் பேர் முடியாது என்றும், 33 சதவீதம் பேர் பாஜகவை வீழ்த்த முடியும் என்று கூறுகின்றனர். அப்பிடி இப்படி என்று 13 சதவீதம் பேர் சொல்லியிருக்கிறார்கள்.
