தென்காசியில் சசிகலா தொடங்கும் அரசியல் டூர்!

கே.ஏ.ஜெகதீஸ்வரி,

வி.கே.சசிகலா தென்காசியில் அரசியல் சுற்றுப்பயணம் செய்யவதற்கு அனுமதி மற்றும் பாதுகாப்பு கோரி எஸ்.பி.யிடம் மனு கொடுத்திருப்பதாக தகவல்கள் வெளியாகியிருக்கின்றன.

 முன்னாள் முதலமைச்சர் செல்வி.ஜெயலலிதாவின் தோழியான வி.கே.சசிகலா வரும் 16-ம் தேதி தென்காசியில் தனது சுற்றுப்பயணத்தை தொடங்க இருப்பதாக கூறப்படுகிறது.

  2026- சட்டபேரவை தேர்தலில் ஒன்றுபட்ட  அதிமுக ஆட்சிக்கு வர வேண்டும் என்று சசிகலா செய்தியாளர்களிடம் தெரிவித்திருந்தார். மேலும், கட்சியை ஒன்றிணைக்கவும், 2026-ல் ஆட்சிமாற்றத்தை கொண்டு வரவும்,தமிழகம் முழுவதும் சுற்றுப்பயணம் மேற்கொண்டு, தொண்டர்களை, பொது மக்களையும் சந்திக்க இருப்பதாகவும் சசிகலா அறிவித்திருந்தார்.

 அப்படியிருக்க சசிகலா தனது சுற்றுப்பயணத்தை வரும் 16-ம்தேதி தென்காசியில் தொடங்க இருப்பதாக தகவல் வெளியாகியுள்ளது. மேலும் இதற்கான ஏற்பாடுகளை தென்காசி மாவட்டபொறுப்பாளர் பூசத்துரை மேற்கொண்டு வருவதாக தெரிகிறது.

  காவல்துறை அனுமதி கோரியும் மாவட்ட காவல் கண்காணிப்பாளரிடம் கடிதம் கொடுத்துள்ளார்.

இம்மாவட்டத்தில் அவர் 21-ம்தேதி வரை சட்டப்பேரவை தொகுதிவாரியாக சென்று தொண்டர்களை சந்திக்க இருப்பதாக கூறப்படுகிறது. அதனைத் தொடர்ந்து, பிற மாவட்டங்களுக்கும் பயணம் மேற்கொள்ள உள்ளாராம்.

இந்த பயணம் சின்னம்மாவுக்கு பலனை கொடுக்குமா என்பதை பொறுத்திருந்துதான் பார்க்கவேண்டும்.