“குடியாத்தத்துக்குள் வந்து பாருடா… — சமூக ஆர்வலருக்கு மிரட்டலா? திமுகவைச் சேர்ந்த  நகர்மன்றத் தலைவர் எஸ். சௌந்தர்ராஜன் மீது வழக்குப் பதிவு! 

செய்தி: த.நெல்சன்,

குடியாத்தம்:26.

குடியாத்தம் பகுதியைச் சேர்ந்த சமூக ஆர்வலர் ஸ்ரீகாந்த்திடம், திமுகவைச் சேர்ந்த நகர்மன்றத் தலைவர் எஸ். சௌந்தர்ராஜன் ஆவேசமாகப் பேசி மிரட்டியதாகக் கூறப்படும் தகவல் அரசியல் வட்டாரத்தில் பரபரப்பை ஏற்படுத்தியுள்ளது.

“இனிமே குடியாத்தம் உள்ளே வந்து பாருடா… நாங்க யாருனு தெரியும்” என்று அவர் பேசியதாகக் கூறப்படும் ஆடியோ தொடர்பான தகவல்கள் தற்போது கவனம் பெற்றுள்ளன. மேலும், “உன்னால் என்ன செய்ய முடியும்?” என்று சவால் விடுக்கும் வகையிலும் பேசியதாகத் தெரிவிக்கப்படுகிறது. 

யார் இந்த ஸ்ரீகாந்த்?

குடியாத்தத்தைச் சேர்ந்த சமூக ஆர்வலர் ஸ்ரீகாந்த், தமிழக முதலமைச்சராக மு.க. ஸ்டாலின் இருந்தபோது அவரிடம் ‘சிறந்த இளைஞருக்கான விருது’ பெற்றவர் என்று தெரிவிக்கப்படுகிறது. இத்தகைய விருதைப் பெற்ற சமூக ஆர்வலரிடம் அரசியல் பொறுப்பில் இருப்பவர் மிரட்டும் தொனியில் பேசியதாக எழுந்துள்ள புகார், சமூக ஆர்வலர்கள் மத்தியில் கவனத்தை ஈர்த்துள்ளது.

புகாரின் பேரில் வழக்குப் பதிவு?

கடந்த ஜூலை 30ஆம் தேதி, தமிழக வெற்றிக் கழகத்தின் மேற்கு மாவட்ட மகளிரணியின் இணை அமைப்பாளர் சவீதா அளித்த புகாரின் அடிப்படையில், திமுகவைச் சேர்ந்த நகர்மன்றத் தலைவர் எஸ். சௌந்தர்ராஜன் மீது குடியாத்தம் நகரக் காவல் துறையினர் தற்போது வழக்குப் பதிவு செய்துள்ளதாகத் தகவல் வெளியாகியுள்ளது.

எனினும், வழக்குப் பதிவு செய்யப்பட்டதற்கான பிரிவுகள், வழக்கின் தற்போதைய நிலை மற்றும் புகாரில் குறிப்பிடப்பட்டுள்ள முழுமையான விவரங்கள் அதிகாரப்பூர்வமாக உறுதிப்படுத்தப்பட வேண்டியுள்ளன.

அரசியல் பொறுப்பில் இருப்பவர்களின் பேச்சு எப்படி இருக்க வேண்டும்?

பொதுவாழ்வில் இருப்பவர்கள் கருத்து வேறுபாடுகளையும் விமர்சனங்களையும் சட்டத்திற்குட்பட்டு எதிர்கொள்வதே ஜனநாயக நடைமுறையாகும். சமூக ஆர்வலர்களின் செயல்பாடுகள் தொடர்பாக ஆட்சேபனைகள் இருந்தால், அவற்றை உரிய வழிகளில் தெரிவிக்கலாம்.

அதேபோல் தற்போது  சௌந்தரராஜன் மீது பதியப்பட்டிருக்கும் வழக்கானது சமூக ஆர்வலர் அளித்த புகாரின் பேரில் அல்ல என்பது சுட்டிக்காட்டக் கூடியதாகும்.

மேலும் சௌந்தர்ராஜன் அவர்கள் பேசியதாக வெளியாகி உள்ள ஆடியோவில் அவர் தமிழக வெற்றி கழகத்தின் சட்டமன்ற உறுப்பினர் அவர்களை  சுட்டிக்காட்டி பேசுவதாகவே புரிந்து கொள்ள முடிகிறது.

இதுகுறித்து நகர மன்ற தலைவர் திரு.சௌந்தரராஜன் அவர்கள் விளக்கம் அளிக்க முன்வரும் பட்சத்தில் அவை பரிசளித்து பிரசுரிக்கப்படும்.